How to Hidden your Hard disk

මේ ලිපියෙන් ඔයාට අරගෙන ආවේ වින්ඩොස් මෙහෙයුම් පද්දතියක් යටතේ දී Command Prompt එක භාවිත කරල කොහොමද පාටිශන් එකක් සගවන්නේ (Hidden) කියන එක ගැනයි.

ඇත්තම කියුවොත් මේක ගොඩක් ලේසි වැඩක්. මේක දන්න අයත් ඇති. ඔන්න බලන්නකෝ කරන විදිය.

මුලින් කියන්න ඕන මේ ක්‍රමය ඕනම වින්ඩොස් මෙහෙයුම් පද්දතියක් සදහා අදාල වෙනව. ඔයා යූස් කරන්නෙ වින්ඩොස්  XP නම් start ක්ලික් කරල run යන්න. වින්ඩොස් 7 - 10 වගේ නම් start මෙනු එකේ run කියල ටයිප් කරන්න පුළුවන්. එහෙමත් නැත්නම් ඕනම වින්ඩොස් එකක වින්ඩොස් කී එක ඔබාගෙන ම R අකුර ප්‍රෙස් කරන්න. එතකොටත් run එක ඕපන් කරගන්න පුළුවන්.

දැන් run එකේ cmd කියල ටයිප් කරල එන්ටර් බටන් එක ප්‍රෙස් කරන්න.

Command Prompt එක ඔපන් වුනා නේද…? එහෙනම් දැන් diskpart කියල ටයිප් කරල enter කරන්න. එතකොට පහල රූපයේ විදියට diskpart ඔපන් වෙලා තියෙයි.

ඊලගට Hard Drive Partition ටික list කරල බලන්න.

list volume කියල type කරල enter කරන්න.

දැන් Hidden කරන්න අවශ්‍ය Partition එකේ අකුර බලන්න. මම මෙතන ගන්නවා G කියල තියෙන පාටිශන් එක...

G කියන පාටිශන් එක තෝරා ගන්න අපිට මෙහෙම ටයිප් කරන්න වෙනව.

select volume 4 කියල type කරල enter කරන්න.

අනිවාරෙන් ම මතක තියාගන්න මෙතන ඔයාට හයිඩ් කරන්න ඕන වොලිම් එක ඒ කියන්නෙ Hidden කරන පාටිශන් එකේ එකේ අකුරට අදාල අංකය දෙන්න වෙනව.

මෙහි volume 4 කියන්නේ මම තෝර ගත්ත පාටිශන් එකේ  අකුරට අදාල පාටිශන් එකේ අංකයයි.

දැන් ඉතින් Hidden කරමු. මෙන්න මේක ගහන්නකෝ.

remove letter G කියල type කරල enter කරන්න.

වැඩේ හරිනම් උඩ තියෙන රූපයේ විදියට DiskPart successfully removed the drive letter or mount point කියල මැසේජ් එකක් පෙන්නයි.

දැන් my computer / computer විවෘත කරල බලන්න. ඒ ඩ්‍රයිව් එක අතුරුදහන්වෙලා තියෙයි  ;D

වැඩේ හරි නේද... ;D

දැන් ඉතින් හැංගුව වගේම අයේ පෙන්වන්නත් ඕනෙනේ…

ඉතින් ඒකටත් කලින් කියපු විදියට ම G පාටිශන් එක , නැත්නම් G ඩ්‍රයිව් එක තෝරන්න.

assign letter G කියල type කරල enter කරන්න.

එතකොට Partition එක තිබුන වගේම පෙන්වනවා.

වැඩේ හරිනම් උඩ තියෙන රූපයේ විදියට DiskPart successfully assigned the drive letter or mount point කියල මැසේජ් එකක් පෙන්නයි.

කැමතිනම් දැන් my computer / computer විවෘත කරල බලන්න.ඒ ඩ්‍රයිව් එක තියෙයි  ;D

සැලකිය යුතුයි -

සිස්ටම් එක මගින් භාවිතා කරණු ලබන C ඩ්‍රයිව් එක , පේජ් ෆයිල් සදහා ලබා දී ඇති පාටිශන් ,සහ  ඒ හා සමාන  රිමූවබල් ඩිවයිස් මෙහිදී යොදාගත නොහැකිය.

Prank Virus (යාළුවන් රවටන්න Shut Down වයිරස් එකක් නිර්මාණය කරමු)

හැමෝම වගේ කැමතියිනේ Games වලට. මෙතනදි කරන්නේ  game icon  එක  click කරන ඕනම වෙලාවක  icon එක  click කරල විනාඩියක් ඇතුලදී පරිගණකය shutdown කරන එකයි.

මේක හරිම ලේසි වැඩක්… මෙහෙමයි කරන්නේ ... ටිකක් බලන්නකෝ...

මුලින්ම Desktop එකේ Free තැනක Right Click කරල Shortcut එකක් හදාගන්න.

~ දැන් පහත code එක type කරල next කරන්න.

shutdown -s -t60 -c "Warning !      Virus has been Detection. System is shutting down for 60 second"

~ Short cut එක සඳහා සුදුසු නමක් ලබාදෙන්න.

~ Finish බටනය click  කරන්න.

දැන් Short Cut එකේ property වලට ගිහින් icon එක සඳහා සුදුසු icon එකක් දෙන්න.

ඔන්න වැඩේ ඉවරයි. කවුරුහරි මේ අයිකනය ක්ලික් කලොත් විනාඩියක් ඇතුලතදී පරිගණකය Shutdown වෙනව. හරිම සරලයි.

ඇත්තටම මෙතනදි වෙන්නේ game එක වෙනුවට shutdown කියන විකල්පය මෙතනට යොදල තියෙන එකයි.

History of Virus part 01වයිරස ඉතිහාසය - 1 කොටස.

ඕනම ජාතියකට ඕනම රටකට ඉතිහාසයක් තියෙනව. ඉතින් ඒ වගේම තමයි මේ පරිගණක වයිරස් වලටත්. ඉතින් ඒකටත් ඉතිහාසයක් තියෙනව.

1981

ඇත්තටම පළවෙනි වයිරස් එක ගැන කතාකරනව නම් ඒක නිර්මාණය කරල තියෙන්නේ 1981 වර්ෂයේ තමයි. ඒකෙ නම තමයි Elk Cloner කියන්නෙ. මේ වයිරසය ඇපල් සමාගමට අයත් Floppy Disk දෙකක තමයි අන්තර්ගත කරල තිබිල තියෙන්නේ. මේ වයිරස් එක පරිගණකයකට ආසාදනය උනාම Display එකෙහි කවියක් display වෙලා තියෙනව. පරිගණකයේ ඇති දත්තවල පිටපත් ( clone ) සැකසීම තමයි මේ වයිරස් එකෙන් කරල තියෙන්නේ.

1983

ඒවගේම තමයි දෙවන වයිරස් එක ගැන සදහන්වෙලා තියෙනව ඊට අවුරුදු දෙකකට පස්සෙ, ඒ 1983 වර්ෂයේ . Unix මෙහෙයුම් පද්ධතිය මගින් ධාවනය වන VAX 11/750 කියන යන්ත්‍රය සඳහා ලියවුණු මේ වයිරස් එක නිර්මාණය කරල තියෙන්නේ  “Computer Viruses - Theory and Experiments” කියන අදහස මතයි. Fred Cohen writes කියන මේ වයිරසය නිර්මාණය කරල තියෙන්නේ Len Adelman coins ප්‍රමුඛ එයාගේ කණ්ඩායම තමයි.

1986

1986 වර්ෂයේ නිර්මාණය කරපු තවත් වයිරස් දෙකක් ගැන තොරතුරු හමුවෙනව, එකක් තමයි Ralf Burger කියන පුද්ගලය විසින් නිර්මාණය කරන ලද Virdem කියන වයිරස් එක. මේ වයිරස් එක කරල තියෙන්නේ වයිරස් එකේම පිටපත් නිර්මාණය කිරීමයි.

අනිත් වයිරස් එක ගැන කියනව නම් ඒක නිර්මාණය කරල තියෙන්නේ Basit සහ Amjad කියන පුද්ගලයින් දෙදෙනා විසිනුයි. මේක exe වර්ගයේ වයිරස් එකක් කියල තමයි සඳහන් වෙන්නේ. Floppy Disk හරහා වේගයෙන් පැතිරුණු මේ වයිරස් එක Boot Sector එක ඇතුලෙ exe code එකක්  නිර්මාණය කරගෙන තමයි වයාප්තවෙලා තියෙන්නේ.

1987

1987 වර්ෂය ගැන කියනව නම් 87 දීත් වයිරස කිහිපයක් පිළිබඳව සඳහන් වෙනව. A PC support lady at the University of Delaware කියන label එකෙන් යුත් floppy disk එකක් තුල මේ වයිරස් එක තිබිල තියෙනව. මේ වයිරසය නම්කරල තියෙන්නේ  Brain Virus කියන නමින් තමයි. මේ වයිරස් එක මගින් කරල තියෙන්නේ Disk තුල ඒ නමින් ම volume සෑදීමයි.

Leigh (Jerusalem), Suriv 01 සහ 02 යන නමින් තවත් වයිරස් දෙකක්  මෙම වර්ෂයේදී ම නිර්මාණය කරල තියෙනව. මෙය COM files වලට තමයි ආසාදනය වෙලා තියෙන්නේ.

IBM Christmas Worm කියන නමින් IBM පරිගණක සදහා තවත් වයිරසයක් නිර්මාණය කරල තියෙනව මේ වයිරස් එක පැයක් ඇතුලත මිලියන වාරයක් වයාප්තවෙලා තියෙනව.

Stoned  නම් වූ මේ වයිරස් එක ආසාදනය වූ විට “Your PC is now stoned” යනුවෙන් පණිවිඩයක් ලබා දී ඇත. මෙය නවසීලන්තයේ Wellington විද්‍යාලය තුල වයාප්තවී ඇත.

1988

මේ වර්ෂයේ දීත් වයිරස දෙකක් නිර්මාණය කරල තියෙනව. එකක් තමයි Macintosh machines සඳහා බලපාන HyperCard virus එකක් MacMeg නමින් නිර්මාණය කරල තියෙනව.

ඒවගේම තමයි පලමු  Internet Worm එකත් මේ වර්ෂයේදී තමයි නිර්මාණය කරල තියෙන්නේ. මේ worm එකෙක් කරල තියෙන්නේ අන්තර්ජාලය හා සම්බන්ධව පැවති පරිගණක ක්‍රියාවිරහිත (shutdown) කිරීමයි.

1989

Aids Trojan නමින් ට්‍රොජන් වයිරස් එකක් නිර්මාණය කරල තියෙනව. Aids Trojan මගින් පරිගණක ශේත්‍රය වෙත විශාල බලපෑමක් සිදුකරන ලදි. මෙය hard drive encrypts (කේතකරන) වර්ගයේ වයිරස් එකකි. මෙය ආසාදනය වූ විට හාඩ් ඩිස්කය තුල වූ දත්ත කේතකරනය වන අතර මොවුන්හට මුදල්ගෙවා විකේතකරන අංකය (decryption key) ලබාගැනීමට සිදුවිය.

IBM පරිගණක සඳහා නිර්මාණය කල තවත් වයිරසයක් ලෙස Datacrime වයිරසය දැක්විය හැකිය. මෙය 13 වන සිකුරාදා දින ක්‍රියාත්මක විනි.

1990

Mark Ludwig නැමැති ලේඛකයා විසින් 1990 වර්ශයේදී “The Little Black Book of Computer Viruses” නමින් පොතක් එළිදැක්වූ අතර එහි වයිරස වැඩසටහන් නිර්මාණය පිළිබඳව සඳහන් වී ඇත.

Check your Virus Guarfdd (ඔයාගෙ වයිරස් ගාඩ් එක පරික්ශා කරමු...)

වින්ඩොස් පරිගණක පාවිච්චි කරන පරිශීලකයන් බොහොමයක් දෙනා  බයවෙන වචනයක් තමයි මේ වයිරස් කියන්නේ. ඉතින් ඒ හුගක් අය  ඒ වයිරස් වලින් ආරක්ශා වෙන්න වයිරස් ගාඩ් එහෙමත් පාවිච්චි කරනව කියල අපි දන්නවනෙ. ඉතින් ඔයා ඒ පාවිච්චි කරන වයිරස් ගාඩ් එක හරියට වැඩකරනවද නැද්ද කියල බලාගන්න තියෙනව නම් ඒක තවත් හොදයිනෙ. එහෙම නේද. ඉතින් මේ ලිපියෙන් අරගෙන ආවේ ඔයාගෙ පරිගණකයේ තියෙන වයිරස් ගාඩ් එක වැඩකරනවද නැද්ද කියල බලාගන්න පොඩි උපක්‍රමයක්.

එහෙනම් අපි වැඩේට බහිමු

මේ වැඩේට මම භාවිතා කරන්නේ අපි කවුරුත් හොදින්ම අදුරන නෝට් පෑඩ් එක ම තමයි.

* මුලින් ම Note Pad එක ඕපන් කරගන්න ඕන.

* දැන් පල්ලෙහා කහපාටින් හයිලයිට් කරල තියෙන කෝඩ් එක copy කරන් Note Pad වලට past කරගන්නකො.

X5O!P%@AP[4\PZX54(P^)7CC)7}$EICAR-STANDARD-ANTIVIRUS-TEST-FILE!$H+H*

* දැන් එක lookayoo.vbs කියල පරිගණකයේ සේව් කරගන්න ඕන… මතක ඇතුව File Type එක දෙනකොට All Files දෙන්න අමතක කරන්න එපා...

* ඔයා පාවිච්චි කරන වයිරස් ගාඩ් එක හරියට වැඩ කරනව නම් පහත පරිදි ඔබේ වයිරස් ගාඩ් එකෙනුත් පණිවිඩයක් එන්න ඕනෙ.

මෙතනදී මම භාවිතා කරන්නේ වින්ඩොස්  7 මෙහෙයුම් පද්දතිය සහ ඒ සමග එන වින්ඩොස් ඩිෆෙන්ඩර් කියන වයිරස ආරක්ෂක මෘදුකාංගයයි.

බොහෝ අය භාවිතා නොකරන මේ ඩිෆෙන්ඩරයාගෙන් කැස්පරයාට වඩා වැඩගත හැකිබව බොහෝ දෙනා නොදන්නා බව රහසක් නොවේ…

ඇත්තටම වයිරස් එකක් රන් උනොත් හරි ගාඩ් එකෙන් ස්කෑක් කලොත් හරි විතරයි වයිරස් ගාඩ් එකකට ඒක වයිරස් එකක්ද,නැද්ද කියල අදුරගන්න පුළුවන් වෙන්නේ.

ඇත්තම කීවොත් මම මේ දීල තියෙන කෝඩ් එක පරිගණකයේ රන්උනා කියල හරි රන්කලා කියල කිසිම ගැටළුවක් වෙන්නේ නෑ. මොකද ඒකෙන් පරිගණකයට කිසිම හානියක් වෙන්නේ නෑ. පුද්ගලිකව මමත් මේ කෝඩ් එක මගේ පරිගණකයේ කිහිප වතාවක් ම රන් කරවල තියෙනව. උඩ තියෙන පිංතූරය බලන්නකෝ...